قادم على شراء توروس

من وجهة نظري ما ادفع مبلغ ٩٠ الف بموتر شكله صار قديم مرة ومستهلك ومراتبه الخلفية ضيقة والرؤية الخلفية سيئة بدون كاميرا وبودي ثقيل ٤ سلندر تيربو البدائل وااااااجد 

هذا الموتر له ميزة وحييييدة بنظري عزل الصوت في المقصورة فقط 

بالنسبة لمشكلة طرمبة الموية هذي في ٦ سلندر فقط تحتاج تطلع الماكينة برا عشان تغيرها نفس المازدا cx9 القديم نفس الماكينة تقريبا 

نصيحة اخ شوفلك موتر ثاني 

شكرا على مرورك لاكن انا ما همني الشكل قديم او جديد تهمني عمليه السياره و خدمتها الخ والقطع

والله ياخوك ماكينة ٤ سلندر ماعرفنا خيرها من شرها توها جديدة قطع الغيار مر الوكالة استفسر هل تختلف عن ٦ سلندر اولا 

اتفق مع benz lover
عن نفسي ما اشتري سيارة بتوقف صناعتها هذه السنة او 2020 يعني الهيكل و القطع كلها تصنعت من سنوات وتجمعت قبل سنة او سنتين و منتظرين تصديرها علشان يعبوا الزيت و السوائل الخ و يلصقوا استكر تاريخ الانتاج بتاريخ جديد نفس الباجيرو والكريزلر و غيرها.
جربت الستة سلندر وماعجبتني من اضعف ال6 سلندر والقير تغيراته مو ناعمة, وضيقة جدا في الخلف وتوقيف السيارة في موقف او الخروج منه صعب بسبب حجم السيارة و حد لفة الدريكسون, ومن مشاكلها طرمبة البنزين او قطعة فيها, طرمبة الموية, علبة الدريسكون, صرفية البنزين. ال 4 سلندر ما اعرف كيف تمشي على هذا الوزن يعني التيربو طول الوقت بيطون شغال يعني ما في توفير بنزين.
اشوف مازدا 6 افضل بكثير رغم انها مو الافضل في فئتها لكن ثباتها و عزمها وصرفيتها تمام

مشكرا dell2012 على ردودك
ما يعرف لل٤ سلندر الا اللي جربها وانا بنظري هذا مو عيب اذا ما تغير الشكل من ٢٠١٣ الي ٢٠١٩ بالعكس في التشاليح ببتوفر بكثره فهذا من صالح اللي ياخذ ٢٠١٩

^^^ مايحتاج اجربها عندي في العمل 5 او اكثر عندهم نفس السيارة واخر واحد اشترى 4 سلندر تيربو في اقل من 6 شهور غير مقصات على الضمان والسيارة ثقيلة عاد لو معك ركاب او حمولة يتعب التيربو, مو مستاهلة ماراح توفر شيء, ولو خرب التيربو وين بتصلحه غير الوكالة, عادة يخرب بعد ماتطلع من الضمان وتكلفه عالية, صعب تمشي بدون تيربو عكس الالماني ال 6 سلندر تيربو لو خرب يمكن ما تعرف لين بعد شهور لأن المكينة نفسها كبيرة زي الاودي ايه 6. من الاخير القرار لك وفي خيارات كثير بنفس الميزانية وعملية اكثر.

التورس سياره عالميه ولا يعلى عليها
لكن اذا تبغا متعه القياده و مواصفات اجمل عليك بالمازدا
انا صراحه انصحك بالمازدا
فيها مواصفات جدا جميله
وتو الفيس لفت نزل عليها وشكله جدا رائع
ومعروووفه المازدا خدوووومه وعمليه ومكيف ثلج

اخوي انا معي سته سلندر وماشيه زي اللوز ولا طرمبة ولا غيره اعتمادية 
واذا ناوي اربعه تيربو ف ريح بالك طرمبة الموية حقتها خارجية مو مثل الستة تجي داخليه هنا الفرق 

التيربو حسب علمي لسيارات قولف او سيات انه مايشتغل الا فالليل والجو بارد اما فالحر مايشتغل ومدري عن السيارات الجديدة